Kattinile Varum Geetham

Author: O.V. Usha

ഹിന്ദി സിനിമാഗാനത്തിന്റെ സുവര്‍ണദശ എന്നു വിശേഷിപ്പിക്കപ്പെടുന്ന 1950കളിലെയും 60കളിലെയും ഗാനങ്ങളാണ് ഈ കുറിപ്പുകളില്‍ ഏറെയും പരാമര്‍ശിക്കപ്പെട്ടിട്ടുള്ളത്. ഒപ്പം താന്‍ കേട്ടുവളര്‍ന്ന മലയാളം പാട്ടുകളും. ഓര്‍മ്മയില്‍ നിന്ന് ആ ഗാനങ്ങളുടെ ‘പൊട്ടും പൊടിയും’ വീണ്ടെടുത്ത് മൂളിക്കേള്‍പ്പിച്ച് വീണ്ടും നമ്മെ അവയുടെ കാമുകരാക്കി തീര്‍ക്കുന്നു ഉഷ.  പാട്ടിന്റെ വരികളിലൂടെയും ഈണത്തിലൂടെയുമുള്ള ഈ ഏകാന്തസഞ്ചാരത്തിനിടെ വായനക്കാരന് മുന്നില്‍ മിന്നിമറയുന്ന സ്മൃതിചിത്രങ്ങള്‍ എത്രയെത്ര. അവയില്‍ ഗ്രാമ്യവിശുദ്ധിയുടെയും നാഗരികതയുടെയും ബിംബങ്ങളുണ്ട്. കൗതുകമാര്‍ന്ന ജീവിതരേഖകളുണ്ട്. അപൂര്‍വ്വ വ്യക്തിത്വങ്ങളുണ്ട്.നേർത്ത ഒരടിവരെ പോലെ സംഗീതവും. ഇവയെല്ലാം കൂടിക്കലരുമ്പോള്‍ ഉണ്ടാകുന്ന സിംഫണി… അതാണ് കാറ്റിനിലേ വരും ഗീതം.